Timor-Leste sei Fahe Esperensia Harii Dame iha Simeira ONU kona ba Futuru

DILI, www.news-viptv.com – Timor-Leste reprezenta Primeiru-Ministru Xanana Gusmao sei fahe esperensia Timor-Leste nian kona ba harii dame, rekonsiliasaun no dezafisiu sira husi tranzisaun postu-independensia iha Simeira ONU nian kona ba Futuru iha Nova Iorke, Setembru 2024.

Partisipasaun PM Xanana iha Simeira ONU ba Futuru ne’e hato’o husi Koordenadóra Rezidente ONU, Funmi Balogun hafosin hasoru malu ho Prezidente Repúblika (PR), Jose Ramos-Horta, iha Palásiu Prezidensiál, Tersa (18/6/2024).

Funmi Baogun esplika, objetivu Simera ONU ba Futuru ne’e mak atu halo avaliasaun fila-fali ba misaun prinsipál ONU nian no haree oinsá mak organizasaun ne’e sei hala’o ninia knaar hodi serve di’ak liután nesesidade sira iha futuru. Parte importante ida husi ida-ne’e mak ezamina papél no atividade ONU nian iha futuru liuliu iha Timor-Leste.