Timor-Leste Lutu Nasional Loron 7 ba Papa Francisco Nia Mate

DILI, www.news-viptv.com – Hodi fo homenazem ba Papa Francisco nia mate, Governu Timor-Leste desidi lutu nasional to’o loron 28 Abril 2025. Lutu nasional ne’e inklui hasa’e bandeira mea haste iha instituisaun estadu sira.

Iha sorumutuk Konsellu Ministru, Kuarta ohin, Durante periodu lutu nasional, governu husu ba populasaun tomak,  liuliu ba funsionáriu públiku sira hotu, halibur malu loron-loron iha orasaun, hahú tuku 5 lokraik, iha Monumentu Nain Feto, iha Lesidere, nu’udar jestu omenajen no rekollimentu hodi hanoin hikas Sua Santidade Papa Francisco.

Konsellu Ministrus mós dezigna Ministériu Administrasaun Estatál nu’udar departamentu governamentál ne’ebé reprezenta Governu hodi sai responsavel ba koordenasaun ho Konferénsia Episkopál Timorense, atu organiza serimónia omenajen ba Sua Santidade Papa Francisco, ho hanoin atu hala’o serimónia ida ne’ebé digna, no ne’ebé reprezenta domin boot povu timoroan nian ba Santu Padre.

Durante lutu nasional, servisus administrasaun públika nafatin la’o hanesan bain-bain, durante periodu Lutu Nasionál ne’e, tanba ne’e la’ós toleránsia pontu ka feriadu nasionál.