DILI, www.news-viptv.com – Timor-Leste ho India sei halo programa interkambiu kultural hodi hametin liu tan relasaun bilateral sira.
Programa interkambiu kultural ne’e konkorda ona iha asinatura nota do intendementu entre nasaun rua, ne’ebe parte Timor-Leste asina hosi Sekretariu Estadu Arte no Kultura, Jorge Soares Cristovão.
Alende programa interkambiu kultura, Timor-Leste ho India asina akordu izensaun vistu nian ba Pasaporte Diplomátiku no Servisu nian. No ikus kooperasaun iha area media ne’ebe asina entre RTTL ho TV India.
Asina akordu ba kooperasaun tolu ne’e asina iha Palacio do Governu wainhira Prezidenti Republika India, Drupadi Murmu halo inkontru ho Primeiru Ministru Xanana Gusmao, ne’ebe akompana husi Vise Primeiru-Ministru Francisco Kalbuadi Lay ho Mariano Assanami Sabino, no mos Ministru Negosiu Estranjeiru no kooperasaun, Bendito Freitas no Ministru Agrikultura Peskas, Pekuaria no Florestal, Markus da Cruz, Ministra Saude, Elia Amaral no Ministra Edukasaun, Dulce Soares.
Iha inkontru ne’e, koalia mos kooperasaun iha futuru ne’ebe nasaun rua ne’e sei halo maka iha area saude, agrikultura, defeza, infraestrutura, edukasaun no teknolojia.