Timor Island Adventure 2024, Gina Ricardo Kontinua Lidera Etapa 2

SUAI, www.news-viptv.com –  Finish iha pozisaun ida iha etapa dahuluk, Siklista Australiana, Gina Ricardo kontinua finis iha numeru ida iha etapa daruak nian Timor Island Adventure 2024.

Hahu husi Pantai Lodik Malaka-Indonezia, etapa daruak ne’ebe finish iha Suai Loro, Covalima Timor-Leste ho nia distansia 109 KM.

Siklista Timoroan, Joao Ximenes kontinua tuir kedan iha pozisaun daruak hanesan mos rezultadu ne’ebe nia hetan iha etapa dahuluk.

Entertantu Rizkiaji Prismastono, husi indonesia ne’ebe iha etapa dahulu tama iha numeru 10, bae tapa daruak konsege hadia nia an hodi tama iha pozisaun datoluk.

Tuir kedan iha pozisaun dahat maka Domingas Guterres, Mitnick Soares (5), Scott Andrews (6), Jacinto da Costa (7), Calisto Dos Santos (8), Chantal Mare (9), no Crispim da silva (10).

Ba etapa ne’e, siklista sira tenki para iha area fronteira hodi liu imigrasaun tam aba area Timor-Leste.