Shalar Kossi: Xanana-Horta Sei Realiza Dialogu Hafoin Eleisaun I Karta ba Xanana Propaganda Alkatiri Nian

DILI, www.news-viptv.com – Porta Voz Kandidatu Prezidenti Republika Jose Ramos Horta, Avelino Coelho alias Shalar Kossi konsidera karta ne’ebe Sekretariu Jeral Partidu FRETILIN, Mari Alkatiri lori naran eis-titulare primeiru ministru ba Xanana Gusmao atu halo dialogu ho lider nasional sira balun hodi halo refleksaun ba balansu konstrusaunestadu durante tinan 20, hanesan propaganda Alkatiri nian.

Shalar Kossi esplika, karta ne’ebe Alkatiri haruka ba Xanana atu hatudu katak durante ne’e Xanana Gusmao la hatene halo dialogu, inkuantu iha programa eleitoral kampana presidensial ian Xanana ne’ebe apoia Jose Ramos Horta ba kandidatu prezidenti republika mensiona sei halo dialogu ho partidu politiku sira no movimentu sira ne’ebe iha hanoin ida deit hodi restaura hikas konstituisaun ne’ebe hetan violasaun hosi ukun nain sira.

Atual Prezidenti Partido Sosialista ne’ebe fo nia apoia ba Ramos Horta ne’e mos lamenta ho hahalok ekipa hosi kandidatu adversariu ne’ebe uza terror no intimidasaun hodi atrai votos hosi eleitor sira nune’ebe nia kandidatu bele hetan vitoria.

Reportagem: Justinho Mendonca