Shalar Kossi: Referendum 1999, Povu Vota Bandeira CNRT

DILI, www.news-viptv.com – Relasiona ho viral video Sekretariu Jeral Partidu FRETILIN, Mari Alkatiri nian iha media sosial ne’ebe deklara katak iha referendum 1999, povu Timor-Leste vota ba bandeira FALINTIL, Porta Voz Kandidatu Prezidenti Republika, Jose Ramos Horta Avelino Coelho alias Shalar Kossi husu ba se-se deit labele inventa istoria ne’e tamba faktu lolos maka povu vota ba bandeira Conselho Nasional Resistensia Timorense (CNRT) nudar opsaun ba povu Timor-Leste rejeita autonomia espesial iha rai doben ne’e.

Deklarasaun ne’e, Shalar Kossi konsidera nudar distorse faktu istoriku ne’ebe viola mos konstituisaun RDTL ne’ebe garante kona ba faktus istoria Timor-Leste nian ne’ebe nudar mos programa Ramos Horta ba prezidenti republika hodi repozisaun ordem demokratico konstitusional.

Iha fatin hanesan, Porta Voz Dionisio Babo Soares husu ba komisaun nasional eleisoens no observador internasional sira atu hare seriu no investiga faktus ne’ebe divulga ona iha plenaria parlamentu nasional kona ba membru governu balun fahe sasan iha tempu kampana, inklui ameasa autoridade suku sira hodi obriga vota ba kandidatu Francisco Guterres Lu-Olo.

Reporter: Leonito de Fatima  I Cameraman:  Justinho Mendonça