Servisu Rejistu Sivil Munisipiu Ermera Menus Ekipamentu

GLENO, www.news-viptv.com – Limitasaun ekipamentu iha Servisu Rejistu Sivil Munisipiu Ermera fo impaktu ba servisu atendementu ne´ebe labele simu ema ho numeru ne´ebe barak.

Ho limitasaun ekipamentu ne´e, Diretor Munisipiu Rejistu Sivil Munisipiu Ermera, Eliziu Gualdino de Fatima Madeira ho rezultadu sensus uma kain tinan 2022 ne´ebe Munisipiu Ermera ho numeru daruak populasaun ho numeru barak, husu ba ministeriu atu bele aumenta tan ekipamentu ne´ebe persiza.

Iha fatin hanesan Konservadora no Notariadu Munisipiu Ermera, Rosinda Araujo Tilman hateten katak ho apoia ekipamentu ne´ebe UNICEF fo ba sira hodi fasilita atendementu ba sertidaun moris labarik hosi idade 0 too tinan 5, ajuda mos rezolve sira nia preokupasaun ba limitasaun ekipamentu ne´ebe uza ba atendementu sertidaun moris nian.

Santina Soares Magalhaes mos husu ba governu sentral atu bele apoia liu tan ekipamentu iha Servisu Rejistu Sivil no Notariadu Munisipiu Ermera nian nune´e bele fasilita komunidade labele hein kleur wainhira halo sira nia dokumentu.