banner 1000x250

SEPS Apoia Material Konstrusaun Uma ba Vitima Desastre Naturais Lautem

  • Share
Sekretariu Estadu Protesaun Sivil, Joaquim Gusmao entrega osan no material konstrusaun harii uma ba vitima desastre naturais iha Lautem. Photo: Media APC
banner 728x90

LAUTEM, www.news-viptv.com – Sekretaria Estadu Protesaun Sivil (SEPS) liu husi servisu integradu protesaun sivil Lautem apoia osan no material konstrusaun hari’i uma nian ba vitima dezastre naturais no insendiu, Tersa (5/7/2022), iha Lautem, Munisipiu Lautem.

Iha distribuisaun apoia ne’e Sekretariu Estadu Protesaun Sivil, Joaquim Gusmão hetan akompana hosi Direitor Nasional Jestaun Risku Desastre, Agustinho Cosme Belo ne’ebe realiza iha Postu Administrativu Lautem apoia iha Munisipiu Lautem ne’e entrega deretamente hosi Sekretariu Estadu Protesaun Sivil, Joaquim Gusmão ba vitima familia uma kain7.

banner 336x280
Photo: Media APC

Direitor Nasional Jestaun Risku Dezastre, Agustinho Cosme Belo husu ba vitima sira ne’ebe simu apoia ne’e labele ba faan fali material refere, tamba parte autoridade protesaun sivil sei halao monitorizasaun ba konstrusaun refere tuir lei haruka.

‘’Apoia ne’ebe vitima sira simu maka hanesan sira ne’ebe ho kategoria at kamaan hetan materia hanesan kalen tahan 50, pregu, kanuru masa, martelu, arami, inklui Osan 600 dolar ba osan hodi selu badaen no transporte hodi transporte material sira, ba vitima ne’ebe nia uma hetn estragu total material ne’ebe fahe hanesan  besi, sumenti, pregu, kanuru boot besi arami, kanuru masa, kalen 50 tahan, besi 50 nomos ho osan US$$ 1.000 hodi selu badaen no transporte,’’dehan Agostinho Cosme ba jornalista sira loron (05/07)

Sekretariu Estadu Protesaun Sivil, Joaquim Gusmao foto hamutuk ho benefisiaria sira ne’ebe simu osan no material konstrusaun harii uma ba vitima desastre naturais iha Lautem. Photo: VIP TV/ Mateus da Costa

Edgar Asale Viana, benefisariu ba apoia ne’e husi Aldeia Punu, Suku Pairara sente kontente tebes no agradese ba governu ba apoia ne’ebe bele hakmaan ona sira nia terus.

Entertantu Vitima nain 7 ne’ebe simu apoia ne’e fahe ba kategoria rua, nain 5 husi at kaman husi anin boot ne’ebe akontese iha tinan 2021 maka, Olivio de Jesus (Suku Parlamentu, Aldeia Iparira), Regina de Jesus ( Suku Com, Aldeia Pitileti), Gonzalo Maria Da Silva (Suku Com, Aldeia Iraono),  Elisina Carvalho ( Suku Com, Aldeia Etepiti) no Nerito Sabio (Suku Maina 2, Aldeia Codo).

Vitima Insendiu maka Edgar Asale (suku Pairara; Aldeia Punu) no Rui Alberto (Suku Pairara, Aldeia Punu).

  • Share

Leave a Reply

Your email address will not be published. Required fields are marked *

error: Content is protected !!