Semana oin, Atendementu Pasaporte iha Dili sei Online

DILI, www.news-viptv.com – Ministeriu Justisa hahu semana oina sei implementa atendementu online ba komunidade iha Kapital Dili ne’ebe atu halo passporte.

Ministru Justisa, Amândio de Sá Benevides ba jornalista informa, atendementu online ne’e mos kada loron sei limita ho ema nain 140.

“Hakarak informa hela ba imi hotu katak tratamento ba pasaporte iha Munisípiu Dili sei lao ho online, ne’e ita sei hahu semana oin. Maibe iha munisípiu sira seluk lao hanesan bai-bain tamba ema menus atu trata Pasaporte. Maibe iha Dili ne’e, ema trata Pasaporte número as Liu tamba ne’e ita tenke fasilita ho online no sei atende deit 140 pessoas kada loron,” dehan ministru ne’e, Segunda (15/1/2024), iha Palacio do Governo hafoin sorumutuk Konsellu Ministru.

Nia mos informa, kaderneta Pasaporte hamutuk rihun 20 hahu ohin (segunda, red) sei to’o iha Timor-Leste hodi fasilita ba sidadaun sira ne’ebe atu halo viajem, estudo no Servisu ba Raí liur

“Ohin kaderneta pasaporte rihun 20 sei to iha Timor Leste tamba horseik kompania haruka ona mai iha Bali,” deklara Amândio Benevides.