SEA Games 2022 I Indonesia Hamoe Timor-Leste 4-1

  • Share
Timor-Leste iha jogu kontra Indonesia tenki rekonese vitoria nia adversariu hafoin lakon 1-4. Photo: Screenshoot VTV6

HANOI, www.news-viptv.com – Selesaun nasional Indonesia hamoe Timor-Leste iha jogu futebol SEA Games 2022 Grupu A nian ho golu 4-1, Tersa (10/5/2022), iha Viet Tri Stadium, Phu Thou, Vietnam.

Iha minutu 1, Timor-Leste hetan oportunidade hodi halo golu uluk liu hosi Mouzinho de Lima, hafoin nia hetan tesi hosi Marc Klok iha area  defeza Indonesia.

banner 336x280

Maibe penalidade ne’ebe Timor-Leste hetan ne’e, Mouzinho falla halo golu, hafoin ezekusaun penalidade ne’ebe nia halo hetan blokeia diak hosi baliza Indonesia, Ernando Sutaryadi.

Indonesia ne’ebe treina hodi Tae Yong Shin hosi Koreia Sul, iha minutu 16 konsege les baliza Timor-Leste ne’ebe guarda hosi Junildo Pereira. Golu dahuluk Indonesia nian ne’e hatama hosi Egi Maulana.

Durante jogu iha parte dahuluk ne’e, tantu Timor-Leste no Indonesia konsege hatudu jogu diak liu hosi ataka ne’ebe ekipa rua halo.

Tama ba parte daruak, Indonesia hatudu nia kualidade nudar nasaun ne’ebe kandidatu makas mos iha eventu ne’e.

Witan Sulaeman iha minute 52 ho kalma bele konserva bola ne’ebe nia kabesa sai golu no lori Indonesia lidera jogu 2-0.

Depois golu ne’e, Indonesia nia jogu kontinua fo presaun makas ba ekipa Timor-Leste liliu ba area defeza, no minutu 6 depois golu Witan nian, kapitaun Indonesia, Fachruddin Aryanto aumenta tan golu Indonesia sai 3-0.

Lakon golu 3, soldadu lafaek ne’ebe lidera hosi kapitaun Filomeno Costa tenta nafatin halo ataka ba area defeza Indonesia, no liu hosi counter attack lais ida, Mouzinho de Lima iha minutu 69 konsege les baliza Indonesia nian.

Indonesia taka golu vitoria nian liu hosi golu daruak Witan Sulaeman iha minutu 77.

Ho derota ne’e, Timor-Leste laiha ona oportunidade hakat ba faze tuir mai maski sei iha jogu ida ikus hasoru uma nain Vietnam ne’ebe konsege manan Indonesia 3-0 iha nia jogu dahuluk.

Entertantu ho pontu 3 ne’ebe soldadu Garuda hetan iha jogu ne’e, Indonesia sei iha oportunidade haka tba faze tuir mai, maski dadauk ne’e klasifikasaun provizoriu grupu ne’e nian lidera hosi Myanmar ho pontu 4 ne’ebe konsege joga empata 1-1 kontra Filipina ne’ebe hetan mos pontu hanesan.

Filipina iha nia jogu dahuluk manan Timor-Leste 4-0 no joga empata 0-0 kontra Vietnam.

 

Indonesia: Ernando Sutaryadi, Alfeandra Santosa, Rizky Ramadhani, Marc Klok, Witan Sulaeman, Egi Maulana, Ricky Kambuaya, Ilham Fahmi, Syahrian Abimanyu, Irfan Jauhari, Fachruddin Aryanto (C).

Suplente: Muhammad Aisatryo, Firza Andika, Ronaldo Junior, Saddil Ramdani, Muhammad Ridwan, Rachmat irianto, Asnawi Bahar.

Timor-Leste: Junildo Pereira (GK), Nelson Viegas, Orcelio Guterres, Jhon Fritz, Elias Mesquita, Mouzinho de Lima, Gumario Silva, Cristevao Fernandes, Armindo Almeida, Joao Halle, Filomeno Costa (C).

Supplente: Jaimito Soares, Tomas Sarmento, Dom Braz, Anizo Correia, Alexandro Kefi, Yohanes Gusmao, Zenivio Conceicao, Natalino Costa, Georgino Costa.

  • Share

Leave a Reply

Your email address will not be published. Required fields are marked *

error: Content is protected !!