banner 1000x250

Rishi Sunak, Primeiru Ministru Foun Inglatera

  • Share
Rishi Sunak, Primeiru Ministru foun Inglatera ne´ebe troka Liz Truss hafoin rezigna an. Sunak nuúdar familia hosi India. Photo: AP/Oli Scarff
banner 728x90

DILI, www.news-viptv.com – Rishi Sunak sai Primeiru Ministru foun Inglatera hodi troka Liz Truss ne´ebe rezigna aan hafoin asumi deit kargu refere durante loron 45.

Rishi Sunak, politiku ran India ne´e iha nia diskursu, Segunda (24/10/2022), senti onradu extra-ordinariu ba konfiansa ne´ebe nia hetan.

banner 336x280

“Hau hakarak presta hau nia omenajem ba Liz Truss ba ninian servisu pubiku ba estadu,” dehan Sunak, tuir publikasaun CNN.

Nia hateten tan, “Nia (Liz Truss) lidera ho dignidade no grasa liu ona mudansa bo´ot”.

Sunak hateten, Inglatera nasaun ida ne´ebe grande no forte, maibe iha parte seluk Inglatera tenki prepara hasoru dezafiu ekonomia ne´ebe todan iha futuru.

“Ami persiza estabilidade no unidade, ida ne´e maka hau nia prioridade atu unida partidu sira no nasaun,” dehan Sunak.

Nia aumenta, “Hau promesa servi Ita Bo´ot ho integridade no humildade. Hau sei servisu ba povu Inglatera tomak.”

Antes ne´e, Sunak konesidu nudar Ministru Finansas tempu eis Primeiru Ministru Boris Johnson ne´ebe rezigna an mos tamba skandal etika.

Penny Mordaunt, unika rival Sunak nian iha kadeira PM ne´e rezigna an hosi nia kandidatura PM, maibe deklara sei apoia Sunak durante lidera Governasaun Inglatera ba oin.

  • Share

Leave a Reply

Your email address will not be published. Required fields are marked *

error: Content is protected !!