Relasaun Bilateral TL-Finlandia, Wmbaixador Finlandia Hasoru PR Ramos-Horta

DILI, www.news-viptv.com – Prezidente Repúblika (PR), Jose Ramos-Horta simu vizita embaixador Finlandia ba Timor-Leste, Pakka Kailhilahti, Tersa (11/6/2024), iha Palásiu Prezidensiál, Dili.

Vizita embaixador naun rezidensia ne’e hodi troka hanoin kona ba situasaun global iha mundu, inklui koalia kona asuntu koperasaun entre Timor-Leste ho Finlandia.

Embaixador ne’e esplika iha nia inkontru ho xefi estadu koalia mos kona ba ekonomia no dezenvolvimentu, no koko atu buka-hatene mós área sira ne’ebé bele halo servisu hamutuk hodi suporta no ajuda ba modelu sira ne’ebe bele uza ba kooperasaun negósiu.

Entrentantu iha kestaun polítika no situasaun ekonómika iha rejiaun ne’e, buka oportunidade atu hametin amizade entre Timor-Leste ho Finlandia no Alemana ho Uniaun Europeia.

Kailhilahti mos apresia Primeiru-Ministru Xanana Gusmão nia partisipasaun iha Konferensia ba Pás iha Genebra nian kona-ba Ukrainia, hodi nota Timor-Leste nia perspetiva aliña ho nasaun sira ne’ebé ki’ik liu no boot liu iha pontu barak.