Ramos-Horta Husu EUA Halo Dialogu ho Kuba no Normaliza Hikas Relasaun

DILI, www.news-viptv.com – Prezidenti Republika Jose Ramos-Horta liu husi karta ofisial nu’udar xefi estadu husu ba Estadu Unidos Amerikanu (EUA) atu halo dialogu ho Kuba no normaliza hikas relasaun.

Karta official ne’e Ramos-Horta halo nu’udar mos Laureadu Nobel da Paz iha 21 Junu 2024 ne’ebe publika iha portal official Presidencia da Republica relasiona ho sansaun ne’ebe EUA fo ba Kuba nia konsidera la justu.

“Kuba nunka invade nasaun seluk, nu’udar parseiru internasionál ida-ne’ebé forte hodi fornese servisu umanitáriu no médiku iha fatin naran de’it iha mundu. Sansaun hasoru Cuba la justu tebes. Hau apela ba Kongresu no Administrasaun EUA atu troka polítika ida-ne’ebé la justu no atu troka sansaun hotu-hotu, envolve Cuba iha diálogu, normaliza relasaun,” deklara Ramos-Horta iha karta official ne’e.

Sansaun foun ne’ebe EUA hatun ba Kuba no tau Kuba iha lista nasaun sira ne’ebe fo apoia ba terrozimu, Ramos-Horta konsidera hanesan atu aumenta insulta ba kanek, hanesan povu Cuba seidauk hetan kastigu no la hetan terus sufisiente.

“Ita aprende ona kona-ba desizaun Administrasaun EUA nian atu tau Kuba iha lista nasaun sira ne’ebé fó apoiu ba terrorizmu. Timor-Leste labele konkorda ho asaun unilaterál no arbitráriu hanesan ne’e ne’ebé serve de’it atu fó kastigu no impoveriza nasaun ki’ik ida iha Amerika Latin,” hateten Ramos-Horta.

Tuir ema numeru ida iha Timor-Leste ne’ebe mos iha relasaun bilateral ho Kuba liu husi apoia saude hodi haruka mediku ba TImor-Leste, Kuba ajuda duni Timor-Leste iha prosesu dezemvolvimentu nasional iha kapasitasaun rekursu humanu liu husi oferese bolsu estudu hodi ohin loron Timor-Leste iha ona doutor liu 1,200.

Kuba, esplika tan Ramos-Horta mos kontribui ba misaun umanitaria mediku nian sala ona ema rihun ba rihun ne’ebé hela iha Afrika, Amerika Latin no Azia.

“Foin lalais ne’e doutór sira husi rai-Brazil haree iha Europa hodi fó asisténsia kritika durante pandemia Covid-19 ne’ebé aat liu. Kuba sira fó treinu ba doutór joven rihun ba rihun husi mundu tomak,” dehan Ramos-Horta.

Relasiona ho karta Ramos-Horta nian, Ajensia Notisioza Kuba, CAN informa Ministru Negosiu Estranjeiru Kuba, Bruno Rodriguez Parrilla, agradese ba Prezidenti Timor-Leste, Ramos-Horta, ba nia deklarasaun foin lalais ne’e kontra medida hirak ne’ebé governu EUA halo ba Antilla boot liu.

“Ami apresia deklarasaun foin lalais ne’e husi @JoseRamosHorta1, Prezidente Timor-Leste no manán Premiu Nobel ba Pas, hasoru inkluzaun #Cuba iha lista esperiénsia Estadu sira ne’ebé supozitivamente sponsoriza terrorizmu no atu hasai bloku kriminál EUA nian hasoru ita-nia povu,” hakerek Parrilla iha nia twitter.