Rai Nakdoko iha Turkia no Siria Hamate ema 3.823

DILI, www.news-viptv.com – Rai Nakdoko ho nia magnitudo 7,7 ne´ebe kona Turkia ho Siria iha Segunda (6/2/2023) madrugada hamate ona ema liu 3.823 (dadus Tersa, 7/2) no estragus uma no edifisiu barak.

Iha Turkia autoridade rejista ona total ema mate iha nain 2.379 no kanek 14.500 tamba rai nakdoko makas los desde tinan 100 ikus ne´e.

Turkia deklara ona lutu loron hitu hodi fo omenajem ba vitima no familia enlutadas sira.

Entertantu, tuir publikasaun AFP, Siria mos rejista ema nian 1.444 mate mate tamba rai nakdoko ne´e no ema nain 3.411 hetan kanek.

Autoridade Turkia ho Siria mos relata vitima mate ba dezastre ne´e sei aumenta tamba iha hela prosesu buska ba ema lakon kontinua lao iha edifisiu no uma ne´ebe hetan estragus. Prosesu evakuasaun no buska mos kontinua halao maski hetan impendementu hosi nevaska (badai salju) no estrada sira mos nakonu ho jelo.

Iklima ne´ebe la diak fo mos impaktu ba aeroportu prinsipal tolu iha area ne´ebe kona rai nakdoko labele opera no fo impaktu ba apoiu vital ne´ebe atu haruka.

Sentru Nasional ba Rai Nakdoko Siria nian rejista rai nakdoko ne´be akontese iha segunda madrugada nu´udar grande istoria desde ajensia refere harii iha tinan 1990.

Various rai nakdoko kontinua akontese ho magnitudo 7,5 too 6,5 iha loron hanesan.

Instituisaun Survey Geolojia Estadu Unidas Amerikanu (USGS) rejista hafoin rai nakdoko dahuluk, iha tan rai nakdoko kuaze 60 ne´ebe akontese tan, inklui rai nakdoko ho forsa magnitudo 7,5 wainhira halo hela busk ano salvasaun ba vitima sira.

Turki sai duni nasaun ida iha Europeia ne´ebe tama mos ba atividade seismiku nian ou rai nakdoko.

Rai nakdoko ho magnitudo 7,8  ikus akontese iha Turkia tinan 1939. Tempu ne´eba ema nain rihun 33 maka mate iha Provinsia Erzincan Leste.