Rai Monu Iha Buihomau, Komunidade Lakon Karau 1 no Bibi 98 Mate

LAUTEM, www.news-viptv.com – Komunidade tasi ibun Buihomau, Aldeia Raanu, Suku Serelau, Postu Administrativu Lautem lakon Karau 1 no Bibi 98 maka mate hafoin udan boot rezulta rai-monu hodi hanehan animal komunidade nian, iha Kuarta (9/3/2022) tuku 3 madrugada.

Hafoin simu informasaun ne’e, Administrador Postu Lautem, Luis Morais hamutuk ho ekipa protesaun sivil no desastre naturais Munisipiu Lautem tuun iha terenu hodi hare kondisaun atual.

Iha fatin akontesementu ekipa protesuan sivil no desastre naturai labele halo buat ida no labele tun ba tasi ibun tamba rai naruk ho ekipamentu ne’ebe la kompletu halo ekipa bombeiros labele halo buat ida tamba fo ameasa mos b sira nia vida.

Xefi Aldeia Raanu, Ande Fernandes informa animal sira ne’ebe rai hanesan monu maka durante ne’e komunidade uza hodi sutenta sira nia moris no selu oan sira nia eskola. Hamutuk xefi familia 9 maka lakon sira nia animal impaktu hosi desastre refere.

Bibi nain sira ne’ebe lakon sira nia bibi maka Alberto Soares hamutuk bibi 20, Abilio Soares 15, Armindo Soares 20, Tomas Ribeiro 15, Jose Soares 10, Mateus Pinto 20 no karau 1, Natalisio da Costa 7, Alarico Soares 10.

Korespondente: Mateus da Costa