Proteje Desenvolvimentu Umana, UNICEF asina MoU ho MKAS

DILI, www.news-viptv.com – Hodi hadia bem estar no promove direitu labarik nian, ajensia Nasoens Unidas ba Fundus Labarik (UNICEF) asina Memorandum of Understanding (MoU) Ministeriu Koordenador Assuntu Sosial (MKAS) kona ba proteje Desenvolvimentu Umana, Segunda (10/6/2024), iha Palacio do Governo, Dili.

Husi MKAS nian MoU ne’e asina husi Vise Primeiru Ministru, MKAS no MDRHK, Eng. Mariano Assanami Sabino no parte UNICEF asina husi Reprezentante UNICEF iha Timor-Leste, Billal Aurang Seb Durani.

Ho asina akordu ne’e, Assanami apresia ba servisu UNICEF iha lideransa Billal Durani maski iha tempu besik nia sei husik Timor-Leste hodi halao misaun foun UNICEF nian iha Laos, UNICEF fo ona kontribuisaun barak ba programa Governu nian.

“Governo Timor Leste hakarak hato apresiasaun ba maun nia apoiu ne’ebe kleur tebes iha Timor-Leste,” dehan Assanami.

Ba jornalista, Billal Durani hateten, “Ha’u haree katak, sua exelensia (Assanami, red) servisu diak tebes iha prosesu dezenvolvimentu labarik ho idade infansia nian”.

UNICEF durante ne’e apoia ona governu iha area Juventude, Edukasaun, Saúde, no inan ho labarik.