Prezidensia Republika Haruka Ona Funsionariu PR ba Servisu Preparasaun Festivál Rabilau

DILI, www.news-viptv.com – Hodi halo preparasaun ba Festivál Kultura ne’ebe sei realiza iha Rabilau, Postu Administrativu Maubessi, Munisipiu Ainaro, Segunda (7/10/2024) ohin dadersan, Xefe Kaza Sivíl Prezidénsia Repúblika (PR), Jesuína Maria Ferreira Gomes, husik ona funsionariu sira husi Palasiu Presidensial ne’ebe sei halo servisu preparasaun to’o realizasaun.

Xefe Kaza Sivil ne’e fo hanoin katak konsidera fatin realizasaun santu husu ba funsionariu sira ne’ebe halo servisu atu hatudu komportamentu diak.

“Tanba komportamentu ne’e mai husi, hahalok ho Liafuan, ne’e mak bolu komportamentu, maibe hahalok ho Liafuan ne’e hanesan, respeita malu, respeita komunidade lokal, Lia nain, autoridade lokal, lider komunitaria, i respeita mos lisan tradisaun iha foho Rabilau. Tanba ema ida mak halo eror ruma, no ema la julga ema ida ne’e maibe ema temi Prezidensia Republika,” dehan Jesuína.

Jesuína haktuir tan, sira ba ne’e hanesan funsionariu no reprezenta instituisaun Presidensia Repúblika, evita eror, respeita fatin ne’eba no labele tolok, lanu, no baruliu, tanba ne’e tenke evita husi buat sira ne’e.

Festivál Rabilau sei realiza durante loron tolu, hahu 16 to’o 18 Outubru 2024.