PR Ramos-Horta Optimizmu ba Ligasaun Forte TL ho Komunidade Internasional

DILI, www.news-viptv.com – Prezidente Republika (PR) Jose Ramos-Horta optimizmu ba ligasaun ne’ebé forte liután entre Timor-Leste no Komunidade Internasionál iha tinan hirak oin mai.

Xefi estadu hatudu optimizmu ne’e iha resepsaun diplomatiku annual ne’ebe halo ho objetivu hodi hametin liu tan relasaun amizade no koperasaun entre Timor-Leste ho parseiru internasional sira.

Iha ninia diskursu, PR Ramos-Horta hato’o benvindu ba diplomata sira no agradese ba sira-nia amizade no apoiu ba Timor-Leste ba nia dezemvolvimentu.

“Hanesan onra ida ba ami ba parseria ne’ebé ita harii ona no agradese ba asisténsia ne’ebé ami simu ona durante tinan hirak-ne’e,” dehan PR Ramos-Horta iha Palásiu Prezidensiál Nicolau Lobato, Tersa (20/02/2024) lokoraik.

Resepsaun Anual ne’ebé hala’o kada tinan iha Palásiu Prezidensiál fó oportunidade ida ba komunidade diplomátika atu envolve diretamente ho lider timoroan sira iha situasaun sosiál ida.

Resepsaun mós selebra troka kulturál liu husi espozisaun ne’ebé hatudu Timor nia aspetu kultura, liu-liu husi ekspozisaun etnográfika no artístika ne’ebé hatudu tradisaun antigu, kostume, abitus no prátika Timor nian. Ekspozisaun ne’e hakarak kadi interese husi vizitante sira, hodi enkoraja sira atu kontinua esplora rikeza kultura Timor nian.

Iha kalan ne’e remata ho hi’it kalís ba amizade no kooperasaun entre Timor-Leste no nasaun parseiru sira.