banner 1000x250

PR Ramos-Horta Konvida Investor Vietnam Investe iha Timor-Leste

  • Share
banner 728x90

HANOI, www.news-viptv.com –  Ministru Negósius Estranjeirus no Kooperasaun, Bendito dos Santos Freitas, akompaña Xefe Estadu, José Ramos-Horta, hala’o enkontru bilateral ho Primeiru-Ministru Repúblika Sosialista Vietnam, Pham Minh Chinh, hodi intensifika liután relasaun diplomátika entre nasaun rua, (02/8/2024), iha Hanoi, Vietnam.

Reportagem Jornalista VIP TV, Nuryanti Fatima, Hosi Hanoi, Vietnam

banner 1000x250

Prezidente Ramos-Horta ho Primeiru-Ministru Vietname, Pham Minh Chinh ko’alia mós kona-ba kooperasaun investimentu iha setór agrikultura, infa-estruturas no edukasaun, no husu investor sira husi Vietnam atu ba investe iha Timor-Leste liu-liu àrea tolu ne’e bele liu husi modalidade Parseria Públika no Privada no mós investe mesak ka unipesoál limitada.

Iha setór infra-estrutura la’ós de’it foka ba konstrusaun estrada nasionál no mós aeroportu, maibé, foka ba estrada rural sira, nune’e bele kontribui ba dezenvolvimentu sosiál no ekonómika.

Nune’e mós, Líder na’in-rua ne’e, ko’alia mós kona-ba akordu ne’ebé mak nasaun rua asina ona, maibé to’o oras ne’e seidauk ratifika, no akordu seidauk halo segimentu.

Prezidente Ramos-Horta afirma, Timor-Leste sei fó apoiu másimu ba kandidatu ruma husi Vietnam ne’ebé hakarak kandidata ba Membru Konsellu Seguransa Nasoens Unidas nian no mós Konsellu Direitus Umanus.

 

  • Share

Leave a Reply

Your email address will not be published. Required fields are marked *

error: Content is protected !!