PR Ramos-Horta Hasoru Malu Ho Governadora Jerál Austrália

DILI, www.news-viptv.com – Prezidente Repúblika (PR), J. Ramos-Horta hasoru malu ho governadora Austrália, Hon. Sam Mostyn AC iha nia rezidénsia, Kuarta (9/10/2024).

Iha enkontru kortejia ne’e, husi komunikadu imprensa ne’ebe redasaun simu informa Xefe Estadu ho Guvernadora Jerál kontinua diskute assuntu bilaterál entre nasaun rua nu’udár nasaun viziñu no iha ligasaun forte ho Timor-Leste nia história.

Oportunidade ne’e Prezidente Repúblika agradese mos ba Austrália nia apoiu iha area oin-oin ba Timor-Leste inklui  suporta Timor-Leste durante vizita Papa Francisco iha iha inísiu fulan Setembru liu ba.

Além ida ne’e, Guvernadora mos expresa nia konfiansa ba atuál Xefe Estadu atu kontinua promove demokrasia no defende direitu humanu.