PR Ramos-Horta Halo Vizita Servisu ba Covalima

SUAI, www.news-viptv.com – Prezidenti Republika Jose Ramos-Horta halo vizita servisu ba Suai, Munisipiu Covalima.

Durante vizita iha Suai, xefi Estadu hasoru malu ho autoridade local sira, inklui fahe sasan nenesidade bazika ba ema kbit laek sira hamutuk 850, inklui ema atus lima husi Postu Administrativu Suai, Manukatar, Fatululik, Fohoren, Fatumea, Tilomar no Zumalai.

Alende fahe sasan nesesidade bazika ba ema kbiit laek sira, xefi estadu mos vizita monumentu Masakre Setembru Negro 1999, hodi kari ai-funan no hasa’e orasaun ba vitima sira.

Atividade seluk ida ne’ebe xefi estadu halo abertura ba jogo tradisional sira hanesan Kuda halai taru no Dada Tali.