DILI, www.news-viptv.com – Prezidenti Republika Jose Ramos Horta husu ba Polisia Nasional Timor Leste (PNTL) iha seguransa eleisaun parlamentar atu hatudu imparsialidade, inklui mos ba STAE nu´udar orgaun teknika ne´ebe responsabiliza ba prosesu realizasaun votasaun.
Mensajem hanesan mos hato´o hosi governu liu hosi Vise Ministru Interior ne´ebe deklara katak zero toleransia ba aktu violensia sira ne´ebe hakarak estraga festa demokrasia no mos apela ba membru PNTL sira atu labele involve an iha partidu politika sira.
Iha nia deskrsu, Komisariu Henrique da Costa deklara katak PNTL sei mantein nia imparsialidade no sei fo seguransa ne´ebe hakmatek ba povu Timor-Leste durante prosesu eleisaun.
Iha eleisaun parlamentar hamutuk iha ona partidu politiku 17 maka tribunal rekursu anunsia ona sira nia partisipasaun hodi konkore iha eleisaun 21 Maiu.