PR Horta: Laiha Programa Governu, la Kontribui ba Demokrasia, sei la Posse

DILI. www.news-viptv.com – Prezidenti Republika Jose Ramos Horta sei la posse ba partidu politiku ne´ebe durante kampana eleisaun parlamentar la koalia programa governu nian ba povu.

Tamba xefi estadu kontinua apela ba lider partidu politiku sira atu hatoo programa Governu nian durante kampana eleitoral no hapara ona ataka malu pessoal.

Relasiona ho violensia ne´ebe rezulta militante Partidu CNRT kanek hafoin fila hosi komisiu politiku CNRT nian, Xefi Estadu lamenta ho hahalok violensia no oknum militante partidu ne´ebe halo ida ne´e, partidu refere tenki foti asaun no kondena, tamba se lae bele fo impaktu eleitores sei la vota ba nia partidu.

Xefi estadu mos husu ba CNE atu hare ba aktu sira hosi lider partidu politiku durante loron kampana ne´ebe viola regra kampana nian bele halo prosesa.

Hamutuk partidu politiku 17 ne´ebe hahu ona sira nia kampana eleitoral desde 19 Abril no sei remata iha 18 Maiu. No 21 Maiu povu Timor-Leste sei hili partidu politiku ne´ebe sei tuur iha Parlamentu Nasional no forma IX Governu Konstitusional.