PR Horta Husu Voluntariu Korpo da Paz Hela ho Komunidade

DILI, www.news-viptv.com – Prezidenti Republika (PR), Jose Ramos-Horta fo bemvindu ba voluntáriu Korpu da Pás foun na’in 13 ne’ebe halao liu husi seremonia official ida iha Hotel Timor, Kinta (12/12/2024).

Hodi foti husi nia esperiénsia pesoál nu’udar Ministru Negósiu Estranjeiru, Prezidente hanoin hikas Korpu ba Pás nia relasaun kleur ona ho Timor-Leste. Nia mós temi esforsu kolaborasaun sira uluk, inklui Enjeñeiru Mariña Amerikanu sira ne’ebé kontribui ona ba dezenvolvimentu komunitáriu liuhosi harii eskola sira no fornese asisténsia ba dezastre.

Serimónia ne’e subliña parseria  kontínua entre Timor-Leste no Estadus Unidus, hodi hatudu kompromisu kontínua Korpu da Pás nian ba interkámbiu kulturál no apoiu komunidade iha baze iha rejiaun ne’e.

Korpu da Pas inisiativa ne’e hahú nia orijen husi eis-Prezidente Estadus Unidus nian John F. Kennedy no agora hala’o operasaun iha nasaun liu 100 iha mundu tomak.

Voluntáriu sira ne’ebé foin tama reprezenta grupu profisionál joven oioin ho background akadémiku oioin, ne’ebé iha kompromisu ba servisu komunitáriu. Prezidente Ramos-Horta destaka programa nia aprosimasaun úniku, hodi subliña katak voluntáriu sira-ne’e sei hela hamutuk ho komunidade sira ne’ebé sira serbí, hodi foka ba apoiu área remota sira duké hela iha ótel sira ne’ebé konfortavel.

Iha fatin hanesan, Ian Bard, ho Katherine Ellis , hanesan Voluntariu husi Grupu Corpo da Paz Informa katak, Dame mak sai objektivu bo’ot ida, maibé dame ne’e rasik hahu husi buat kiik ida. Dame sei hahu hosi ita nia an rasik bainhira ita halo belun ho ema seluk iha ita nia komunidade.