PR Horta Husu Parpol Kontribui ba Estabilidade no Dame iha Kampana ElPar 2023

DILI, www.news-viptv.com – Presidente Republika Jose Ramos Horta husu ba lider partidu politiku sira atu koalia programa futuru Timor-Leste nian no evita linguazem ne´ebe ataka malu no hases an hosi aktu violensia durante tempu kampana eleitoral nian.

Xefi estadu hatoo lia hirak ne´e wainhira sai orador prinsipal iha konferénsia nasionál ba eleisaun pasífika ne’ebé organiza husi Comissão Nacional de Eleições – CNE ho tema “A Fraternidade Humana Como factor Essencial para a Consolidação da Paz e da Estabilidade Democrática”.

Prezidenti CNE, Jose Agustinho Belo hateten, liu hosi konferensia nasional CNE hakarak apela ba partidu politiku sira atu respeita malu.

Reprezentante Partidu FRETILIN no CNRT iha konferensia nasional ne´e hateten katak partidu rua ne´e garantia no sei tau aas prinsipiu valores respeita malu durante tempu kampana, maski FRETILIN konsidera iha fraternidade humana sosiedade sira kontinua halo diskriminasaun ba rasa no politika.

Nudar partidu poltiku foun, Partidu Os Verdes de Timor mos prontu atu kolabora ba estabilidade no dame durante tempu kampana eleitoral. Entertantu PUDD hare katak konferensia nasional nee importante hodi fo hanoin nafatin ba lider partidu politiku sira atu tane aas unidade nasional nudar instrimentu ba estabilidade no dame nian.