PR Horta: Feira Livru Bele Promove Vontade Lee Livru ba Estudante Sira

DILI, www.news-viptv.com – Hareé ba vontade lee livru hosi sidadaun Timoroan sira neébe menus, Prezidenti Republika (PR) Jose Ramos Horta hateten feira livru neébe halo iha Palasiu Prezidensial bele promove vontade lee livru ba estudante sira.

Feira do Livro neébe organiza durante loron tolu (3) hahu 15 to´o 17 Jullu 2022 iha resintu Palasiu Prezidensial nian nu´udar programa inisiál ida hodi korresponde ba kompromisu ne’ebé hola parte ba loron atus ida (100) servisu Prezidénsia Repúblika nian iha area Edukasaun nian.

Iha diskursu Prezidente Repúblika, Dr. José Ramos Horta iha selebra loron Restorasaun Independénsia 20 Maiu 2022 katak, dezenvolvimentu sektór edukasaun mós sai prioridade ida hanesan ho prioridade sira seluk durante mandatu Prezidente Repúblika tinan lima mai.

“Ne´e maka hau nia preokupasaun, Maun Bo´ot Xanana, governu, Ministeriu Edukasaun para ita haree labarik oan sira bele gosta leitura, feira do livro neé mos objetivu maka ida ne´e, laos det ba labarik, maibe ba sosiedade tomak tambá sosiedade Timorense ladun lee,” dehan PR Horta.

Antiga Prezidenti Republika no Primeiru Ministru, Xanana Gusmao hare´e feira do livro neé pozitivu tebes no bele motiva no hasaé liu tan kultura lee nian ba labarik sira.

“Espera iu hosi feira do livru ohin bele motiva ita nia labarik sira, jerasaun foun sira bele lee bebeik livru,” dehan Xanana.

Alende Promove vontade Lee livru ba Estudante sira nu´udar objetivu principal hpsi feira do livro ne´e objetivu seluk maka  Promove mos lasu amizade entre estudante husi eskola oi-oin no  Promove talentu estudante sira.