PR Horta Apela Lider ParPor Sira Labele Kampana “Ataka Malu”

DILI, www.news-viptv.com – Prezidenti Republik (PR), Jose Ramos Horta apela ba lider Partidu Politiku (ParPol) sira iha kampana Eleisaun Parlementar (ElPar) atu labele “ataka malu” iha sira nia deskursu.

“Ha’u mós ké laiha partidu polítiku ida ké bele halo diskursu ne’ebé ita bolu demagóziku, atake pessoal ké bele enkoraja, insentiva violénsia. Prezidente-da-Repúlika sei rejista diskursu sira-ne’e hotu aktu sira-ne’e hotu no sei kanaliza ba Prokuradoria Jerál da Repúblika,” dehan xefi estadu, Tersa (18/4/2023) iha nia mensajem ba abertura kampana ElPar ne´ebe sei hahu iha 19 Abril 2023.

Aktu sira-ne’e, esplika xefi estadu, “sé momentu ruma to’o líder sira-ne’e, partidu sira-ne’e, sei aprezenta aan ba Prezidente-da-Repúblika atu governa rai ida-ne’e, buat hotu-hotu sei tetu sei sukat, tanba buat ne’ebé ita ko’alia determina kompeténsia governante ida nian”.

Ne’e duni, iha situasaun ida-ne’e, povu Timor-Leste atu ba urnas atu hili Parlamentu foun, liu husi Parlamentu governu foun ba tinan lima mai ne’e, hotu-hotu sei buka halo buat hotu-hotu ne’ebé hakle’an dame halo buat hotu-hotu sukat buat ne’ebé.

“Ita ko’alia para labele hakle’an kanek ruma para bele fasilita ba oin diálogu interpartidáriu, entre polítiku sira entre líder sira par ita bele hetan governu ida forte ne’ebé iha tinan lima nia laran bele halo rai ne’e haksoit ba oin,” dehan PR Horta.

Durante kampana ElPar PR Horta mos esklarese, Prezidente-da-Repúblika sei hanesan observadór neútru, atentu, vizilante. Prezidente-da-Repúblika sei akompaña permanente iha territóriu nasionál dezenvolvimentu kampaña ida-ne’e.

Nia mos iha konfiansa primeiru iha líder partidu sira hotu-hotu, sira líder partidáriu sira-ne’ebé konkore ba eleisaun, potensialmente, teórikamente bele ukun rai ida-ne’e.

“Sira mak hatene tenki hatudu ba eleitoradu tomak, ba komunidade internasional sida-nia preparasaun para governa rai ne’e. Governa liu husi Parlamentu Nasionál no potensialmente liu husi governu,” dehan xefi estadu.

Tamba ne´e, xefi estadu fi’ar líder partidáriu sira sei fahe hoeleitoradu sira-nia programa ne’ebé sira atu ezekuta bainhira ba iha Parlamentu no ba karik governu. Saida mak sira atu halo iha tinan lima mai ne’e, para hakle’an dame iha rai ne’e par hadia povu nia moris.

“Ha’u fi’ar ké líder sira sériu, tanba sira líder no tanba líder, sira sei la halo promesas falsus promesas ne’ebé ita haree demagozia promesas falsu. Sira sei halo promesa ne’ebé sira ida-idak hatene bele ezekuta duni, tanba ida-idak hatene, kondisoens rai ida-ne’e nian emtermus de oinsá ita bele ezekuta programa ida ba tinan lima nia laran,” dehan PR Horta.

Ne’e mak eleitoradu sira iha direitu atu ejize husi partidu polítiku sira, líder nasionál, hakarak rona programa, tanba partidu ne’ebé manán ou partidu sira ne’ebé halibur hamutuk par forma governu aktu primeiru sira halo atu aprezenta programa ba Parlamentu Nasionál. “Ne’e duni ha’u fi’ar, iha kampaña eleitoral ne’e, no tanba natureza duni difinisaun kampaña eleitoral partidu sira aprezenta aan ba eleitoradu no aprezenta programa,”.

Ba Seguransa nia, Komandante Supremu F-FDTL ne´e tau konfiansa kompletu ba Forsa Armadas no Polísia Nasionál instituisaun rua ne’ebé akompaña malu, tane malu para garante orden públika.

“Ha’u mós tau konfiansa ba ita-nia instituisoens responsável ba eleisoens, STAE no CNE. Ha’u hatene ha’u fi’ar, servidores estadu hotu-hotu iha funsaun ne’ebé-ne’ebé sira ka’er sei hatene sira-nia obrigasaun, obrigasaun moràl, obrigasaun legál atu respeita votu sagradu kada eleitor nian,” dehan xefi estadu.

Iha ElPar 2023 hamutuk iha ParPol 17 maka konkore hodi hadau kadeira 65 iha Parlamentu Nasional.

ParPol 17 maka hanesan: