PPN Atualiza Servisu Parlamentu ba PR Ramos-Horta

DILI, www.news-viptv.com – Prezidente Parlamentu Nasionál (PPN), Maria Fernanda Lay, atualiza  informasaun servisu Parlamentu nian ba Prezidente Repúblika (PR), Jose Ramos-Horta, Tersa (16/07/2024), iha Palásiu Prezidensiál.

Prezidente Parlamentu Nasionál informa mós kona-bá dezentendimentu ne’ebé mosu entre membru Parlamentu Nasionál sira husi bankada opozisaun no proponente governu da-IX nian, iha semana ida liubá.

Aleinde ida ne’e, Fernanda Lay husu Xefe Estadu nia mensajem ruma ba Prezidente Parlamentu Nasionál no membru balun bainhira partisipa iha reuniaun Assembleia Parlamentár Comunidade dos Países de Língua Portuguesa (AP-CPLP), ne’ebé sei hala’o iha Moçambique iha tempu badak. Durante audénsia diskute mós lezislasaun no tratadu sira ne’ebé aprova ona husi Parlamentu Nasionál.