banner 1000x250

Portugal Kondekora Medalla Ordem de Camões ba PR Ramos-Horta

  • Share
PR Horta simu medalla kondekorasaun hosi Presidenti Portugal. Mídia PR
banner 728x90

LISBOA, www.newsviptv.com – Prezidente Repúblika Portugál, Prof. Dr. Marcelo Rebelo de Sousa atribui medalla kondekorasaun Ordem de Camões bá Prezidente Republika, José Ramos-Horta.

Ordem de Camões nu’udar Ordem Honorífica Portuguesa ida ne’ebé rekonesimentu nivel aas bá pesoal sira ne’ebé ajuda habelar lingua Portugueza iha mundu.

banner 336x280

Xefi Estadu Ramos-Horta konsidera, kondekorasaun ne’e nu’udar rekonesimentu importante ida, ne’ebé la’òs atribui de’it ba nia, maibé Governu Portugues oferese mos ba lider nasional sira hanesan, Kay Rala Xanana Gusmã, Taur Matan Ruak, Mari Alkatiri no Fransisco Guterres Lú-Olo hodi hametin lasu amizade entre Timor-Leste no Portugal.

PR Ramos-Horta hasai foto hamutuk ho PR Portugal, Marcelo Rebelo hafoin simu medalla Ordem de Camões. Foto: Mídia PR

“Too agora ne’e ha’u hetan kondekorasaun boot tolu ne’ebé Governu Portugues fó ba ha’u. primeiru kondekorasaun, Ordem De Liberdade, Portugal, (1998), Ordem Dom Infante Portugal (2011) no terseiru mak Ordem de Camões nu’udar Ordem Honorífica Portuguesa hanesan orden ida kee aas liu, tanba ita nia relasaun di’ak loos entre Timor no Portugal,” PR Ramos agradese iha komunikadu imprensa ne´ebe redasaun simu.

Prezidente Ramos-Horta dehan, Medalha Ordem de Camões hanesan orden ida aas liu ne’ebé Xefi Estadu Portugés atribui de’it ba nivel Xefi Estadu sira bainhira hala’o vizita estadu hodi hametin kooperasaun bilateral.

Durante ne’e, Xefi Estadu Ramos-Horta hetan ona rekoñesimentu prémiu mundiál hanesan, Premiu Novel da Paz (1996), Orden de Australia (2015),Ordem de Timor-Leste (2012),Ordem Dom Boaventura (2006), Orden de Brazil, Cuba, Guinea-Bissau no  Cavo Verde.

Writer: MEILANA, GiovaniaEditor: MEILANA, Evangelisto Santos
  • Share

Leave a Reply

Your email address will not be published. Required fields are marked *

error: Content is protected !!