PNTL Selebra UN Peace Keepers Day

DILI, www.news-viptv.com – Polisia Nasional Timor-Leste (PNTL) selebra Loron United Nations Peace Keepers ne’ebe komemora iha Kuartel Jeral PNTL, Kuarta (29/5/2024).  

PNTL selebra loron refere hodi fo onra no homenajen ba forsa manutensaun paz iha mundu tomak ne’ebe maka sei halao misaun nomos heroi sira ne’ebe lakon vida durante misaun.

Superintendenti Assistente Polisia Augusto Tilman, membru PNTL ne’ebe uluk hola parte misaun iha Polisia ONU informa hamutuk iha membru PNTL 10 resin maka involve ona iha misaun ba manutensaun paz nian.

Entertantu Adidu Polisia Republika Indonesia iha Embaixada Indonesia, Kombes Polisia Gaspar da Costa sente onra bele selebra hamutuk ho instituisaun PNTL ba loron importante Polisia ONU nian ne’ebe uluk nia involve iha misaun manutensaun ba paz durante tinan 8 resin

Oras ne’e daudaun ONU iha misaun 11 iha mundu tomak no membru ONU hamutuk nain 70.000 husi Polisia, Militar no Sivil. Sura husi tinan 1945 maka membru PBB liu ona nain milaun rua ne’ebe maka servisu ba manutensaun paz iha mundu hodi mantein paz iha nasaun hirak ne’ebe maka iha konflitu politiku, social no problema humanitaria.