PNTL Persiza Rekrutamentu Membru Foun, Inklui ba UEP

DILI, www.news-viptv.com – Unidade Espesial Polisia (UEP), Kinta (15/8/2024) selebra nia loron aniversariu ba dala 15 ho tema Sempre pronto no lalais atu serve no proteje komunidade.

Iha selebrasaun loron aniversariu ne’ebe realiza iha Kuartel UEP Bairo Pite, Dili, Ministru Interior, Francisco Guterres husu nafatin ba UEP nudar polisia espesial atu hatudu nafatin profesionalisme no disiplina iha nia papel.

Membru Governu ne’e mos hateten, ho eventu importante ba selebrasaun tinan 25 loron referendum no vizita amu papa Francisco, UEP mos hola papel importante iha seguransa bae vente rua refere, inklui injeral ba seguransa nasional.

Komandante Jeral Polisia Nasional Timor-Leste, Komisariu Henriques da Costa iha selebrasaun loron aniversariu UEP nian ne’e husu ba governu atu bele halo rekrutamentu foun ba PNTL nune’e bele koloka mos ba UEP ne’ebe persiza aumenta numeru ba membru nian.

Entertantu Superintendente Xefi, Damiao Correia deklara UEP pronto asegura seguransa ba eventu vizita bainaka espesial sira iha komemorasaun loron referendum iha fulan Agostu ne’e no vizita Amu Papa Francisco iha fulan setembru oin.

Iha nia papel EUP iha unidade Bataliaun Ordem Publika (BOP), Corpo Seguransa Pessoal (CSP), no orpo Operasaun Espesial (COE).