![banner 1000x250](https://news-viptv.com/wp-content/uploads/2024/03/BANER-KURSU-VIP.jpg" "banner 1000x250")
![banner 728x90](https://news-viptv.com/wp-content/uploads/2022/11/Efata-John-14-6.jpg" "banner 728x90")
COVALIMA, www.news-viptv.com – Jovem nain hat (4) hetan kaptura hosi Polisia Nasional Timor-Leste (PNTL) tamba hatama mina illegal hosi fronteira Indonezia mai Timor-Leste, iha area tasi ibun Salele, Aldeia Ai-Oan, Suku lalawa Postu-Administrativu Tilomar, Munisipiu Covalima.
Suspeitu nain-4 ne’e ho naran inisial, MA, tinan 30, hela fatin Suai Vila, Aldeia Sukavilaran, Suku Suai Loro, Postu-Administrativu Suai Vila, AN, tinan 21, Aldeia Wetaba, Suku Beiseiuk, Posto-Administrativu Tilomar, FN, tinan 17, hela iha Aldeia Wetaba, Suku Beiseiuk, Posto-Administrativu Tilomar no suspeitu ne’ebe ho motor sai mata dalan maka JC, tinan 18, Aldeia Wetaba, Suku Beiseiuk, Posto-Administrativu Tilomar.
![banner 1000x250](https://news-viptv.com/wp-content/uploads/2024/03/IKLAN-KURSU-VIP-24.jpg" "banner 1000x250")
“Suspeitu sira ne´e PNTL kaptura liu hosi servisu konjunta entre ekipa Servisu Sekreta kompostu hosi Servisu Informasaun Polisia (SIP) Nasional, Servisu Nasional Intelijensia (SNI) no Seksaun Investigasaun Kriminal Munisípiu Covalima,” hakerek informasaun ne´ebe publika iha pajina offisial Servisu relasaun publika Ministeriu Interior nian, Domingu (17/7/2022), iha minutu 10 liu ba.
Prosesu kapturasaun ne’e kategoria hanesan “flagrante de lito” ba suspeitu nian 4 iha Kareta laran ho marka Rava ho xapa matríkula 20.558 ne’ebe tula kombustivel iha kareta lara inklui suspeitu motor honda Supra X 125 kor mean ne’ebe sai mata dalan iha prosesu trasaksaun ilegal ne’e.
Hafoin halo inkeritu suspeitu sira deklara sai nain ba mina ne’e ho naran inisial AM, tinan 26, husi Aldeia Ahinarai, Suku Debos ne’ebe pertense ba Postu-Administrativu Suai Vila no nia sai hanesan Matadalan hodi observa situasaun durante trasaksaun.
Agora dadaun suspeito no objetu kontra bandu hirak ne’e asegura ona iha Komandu Munisipiu Covalima hodi kontinua halo prosesu investigasaun.
Antes ne´e iha loron hanesan tempu madrugada nian tuku 1:08 OTL, PNTL mos kaptura mane ida ho naran inisial AG, tinan 22, husi Suku kasabauk ne’ebe halo transaksaun ilegal ba motor ida tipu Honda Sonic 150R, iha fronteira terestre Timor-Leste ho Indonezia.
Suspeitu AG, ekipa konjunta halo vijilánsia durante oras 4 nia laran no kaptura iha oras tuku 1:08 kalan, 17 jullu 2022, wainhira halo transaksaun iha tasi ibun Aldeia Ai-Oan, Suku lalawa Postu-Administrativu Tilomar, Munisipiu Covalima.
Iha prosesu identifikasaun suspeitu AG deklara, nia sosa motor ne’e hosi Indonezia ho montante osan USD 900.00 no modus operandi ne’ebe sira uja maka tula hosi Rô jhonson mai hatun iha tasi ibun Lagoa Maria maka nia ba simu rasik iha Tasi ibun hodi mai rai maran.
Oras ne’e daudaun ekipa konjunta entrega ona evidensia no suspeitu AG ba iha Servisu Investigasaun Kriminal (SIK) Munisipiu Covalima, hodi kontinua halo prosesu investigasaun.
