PM Xanana Promete tun Munisipiu iha Ezekusaun OJE 2025

DILI, www.news-viptv.com – Primeiru Ministru Xanana Gusmao iha tinan fiscal Orsamentu Jeral Estadu 2025 sei tun terenu no munisipiu sira hodi fiskaliza implementasaun servisu governu sira nian.

Hafoin enkontru semanal ho Prezidente Republika Jose Ramos-Horta, PM Xanana reafrima fali nia komitmentu ne’e hanesan ne’ebe nia hateten sai ona iha aprovasaun OJE 2025 iha Parlamentu Nasional.

Xefi governu ne’e mos esplika katak, OJE 2025 ne’e nia benefisiu laos atu fo dereta ba povu, maibe liu husi dezemvolvimentu iha programa governu hanesan konstrusaun infraestrutura publiku.

Iha nia enkontru semanal ne’e informa mos preparasaun Timor-Leste nia adezaun ba ASEAN.