PM Taur Enkoraja Jovem Servisu mos iha Natar no To´os

DILI, www.news-viptv.com – Primeiru Ministru Taur Matan Ruak enkoraja ba joven sira atu bele servisu mos iha natar no toos tamba bele fo rendementu diak ba produtu ne´ebe resulta hosi area ne´e.

Xefi governu koalia asuntu ne´e relasiona ho migrasaun joventude sira ba rai liur tamba deit hakarak hetan servisu.

Relasiona ho joventude sira ne´ebe kontinua ba eropeia, Governu la bandu no husu ba sidadaun hotu ne´ebe hakarak sai ba rai liur hodi buka servisu atu bele finansia nia vida moris rasik durante iha rai liur.

Primeiru Ministru mos esplika, governu sei tau matan ba Timoroan sira ne´ebe hakarak fila ba Timor-Leste relasiona ho situasaun defisil ne´ebe hasoru iha rai liur, governu sei fasilita sira nia viagem.

Governante ne´e mos husu ba Timoroan sira ne´ebe iha rai liur, liliu iha Inglatera atu hatudu disiplina no komportamentu diak, labele halo problema no tuda malu, tamba dadauk ne´e mos hosi asaun refere Timor-Leste hetan riska mean iha internasional.