PM Draghi Rezigna A´an, Italia Sei Realiza Eleisaun iha Setembru 2022

DILI, www.news-viptv.com – Italia sei realiza eleisaun jeral iha Setembru 2022 hafoin Primeiru Ministru (PM) Mario Draghi rezina a´an hosi nia kargu, Kinta (21/7/2022).

Tuir fontes governu nian, eleisaun jeral sei halao iha 25 Setembru. Maski rezigna an hosi Primeiru Ministru, Draghi sei assumi nafatin kargu refere to´o iha Primeiru Ministru foun.

Rezignasaun Draghi nian ne´e hato´o liu hosi karta rezignasaun ba Prezidenti Italia, Sergio Mattarella, iha Palasiu Quirinale, Kinta dadersan.

Antes ne´e, Draghi hato´o ona nia rezignasaun, maibe rejeita hosi Prezidneti Mattarella.

Governu Draghi nakadoko hafoin Parlamentu Italia iha votasaun hato´o mosaun sensura ba Draghi relasiona ho politika ba vida moris nian ne´ebe kontinua sa´e bebeik.

Iha votasaun, Draghi la hetan apoia hosi Movimentu Fitun Lima, partidu koligasaun sira ne´ebe kaer poder, inklui partidu seluk Draghi nia iha koligasaun, Partidu Forza Italia no Partidu Lega Nord lakohi fon ia votos. Hosi ne´e maka Draghi senti nia la hetan ona apoia hodi governa nia nasaun.

“Koligasaun unidade nasonal ne´ebe apoia governu laiha ona,” deklara Draghi tuir publikasaun AFP foin lais ne´e.

Hafoin rezignasaun Draghi nian, Prezidenti Mattarela dissolve parlamentu. Dezisaun Mattarella nian ne´e maka hamosu eleisaun antisipada. Tuir planu, Eleisaun iha Italia sei realiz aiha Maiu 2023.

Falta konsensus entre partidu koligasaun sira maka hola dezisaun prezidenti Italia ne´e tenki dissolve duni parlamentu.

Antes ne´e liu hosi konsulta popular foin lais ne´e, maioria povo Italia hakarak Draghi kontinua lidera governu to´o eleisaun tinan oin.