PD sei fo Kreditu ba Jovem iha Ekonomia Kreatividade

AFLOIKAI, www.news-viptv.com – Atu supporta joventude sira ne´ebe iha kreatividade ba negosiu, Partido Democratiku iha nia programa governu sei fo kreditu ba ekonomi kreativu ba jovem sira.

Prezidente Partidu Democratiku, Mariano Assanami Sabino iha nia mini kampana ne´ebe halao iha Afloikai, Postu Administrativu Uato-Carbao Munisipiu Viqueque mos promesa governasaun PD sei loke kampu traballu ba joventude sira, inklui hasae tan subsidiu idozu nian ba to´o US$ 80.

Ba komunidade iha Uato-Carbau, kuadros politiku PD mos deklara wainhira PD ukun iha governu, sei la taka matan ba problema sira ne´ebe povu infrenta no sei dezemvolve rai uato-carbao iha setor ne´ebe importante, inklui hadia estrada, be mos, eletresidade, edukasaun, saude no loke merkadu ba produtu agrikultura nian.