GLENO, www.news-viptv.com – Prezidente Autoridade Munispiu (PAM) Ermera, Jose Matinho dos Santos hateten iha komemorasaun loron konsulta popular eroi lolos maka povu.
Iha nia deskursu ba komemorasaun, PAM Ermera ne’e hateten komemorasaun loron konsulta Popular ba dala 25, lori ema hotu ba reflesaun ba Eroi no Luta nain sira iha tinan 1975 mai to’o 1999 ho sira nia luta durante hasoru torturasaun, Lakon sira nia sasan, lakon sira nia Vida ohin ita goza liberdade ho loron ida ohin.
“Nune’e ho liberdade ne’e husi Povu, Povu mak funu, Povu mak terus, povu mak eroi ba ukun rasik,” dehan PAM Ermera Jose Martinho.
Nia salienta ho orientasaun Primeiru Ministru ba partisipasaun komunidade iha komemorasaun ne’e ita deside kada Postu ida-idak tenke komemora iha Sira nia Postu ho suku sira hodi envolve ho ema hotu nia partisipasaun. Nune mak Postu ne’en iha Munispio Emera hanesan Hatolia A, Hatolia B, Railaku, Atsabe, Letefoho Ermera ho suku lima nulu resin rua 52 komemora deit iha sira nia postu.
Iha komemorasaun ne’e nia husu ba estudante sira nia partisipasaun hodi rona historia sira, tamba futuru nasaun iha foinsa’e sira nia liman, i husu mos ba komunidade halo trinta de Agostu ne’e (30 de agostu) hanesan reflesaun ba ita nia luta loron ohin ne’ebé lori Vitoria mai atu Unidade ba priense ho desenvolvimentu.
“Partisipasaun ema hotu iha komemorasaun ba loron 30 de agostu hanesan reflesaun ba luta Timor-Leste nia indenpensia nune estudante, komunidade mak ajente ba desenvolvimentu,” nia dehan.
Iha nia intervensaun ba Concelho Combantetes Munisipio Ermera tenke kria seminar beibeik ba eskola sira atu estudante sira hatene historia Timor nian ligadu ho loron importante sira hanesan ne’e.
Estudante Eleiana Fatima Soares hafoin rona reflesaun ho historia sasin moris nia sente orgulu tebes tamba antes ne’e ami seidauk hatene maibe ho historia sira ne’e loke ona ami nia hanoin ko na-ba ita nia eroi sira nia luta no terus hodi lakon sira nia Vida ba sosa liberdade atu ami hatutan fali ba maluk seluk ne’ebé mak ladauk asesu ba informasaun hirak ne’e.