Ohin, Xanana Sei “Tula Liman” ba Kandidatura PR Liu hosi Konferensia CNRT

DILI, www.news-viptv.com –  Lider kharismatiku Timor-Leste, Kay Rala Xanana Gusmão atual Prezidenti Partido Congresso Nacional da Recontrução de Timor (CNRT) sei lidera konferensia nasional partido CNRT hodi desidi no ba se Xanana sei “tula liman” ba kandidatu Prezidenti Republika (PR).

Konferensia Nasional Partidu CNRT ne’ebe halao ohin (Domingu, 23/1/2022) iha Salaun Oka Rudal sei determina duni kandidatu PR hosi partidu CNRT tamba bele lori vitoria ba ema ida se-se deit maka wainhira Xanana “tula liman” ba nia.

Informasaun ne’ebe espalla durante ne’e espekula katak Xanana sei “tula liman” hikas ba Jose Ramos Horta tamba figura ne’e durante impasse politika besik liu Xanana no sempre hamutuk wainhira vizita povu sira durante COVID-19.

“Tula liman” Xanana ba kandidatu PR ida sempre lori ema ne’ebe nia fiar hetan vitoria iha eleisaun prezidensial.

Sira hirak ne’ebe antes Xanana “Tula liman” ba no sai PR maka Jose Ramos Horta (2007-2012), Taur Matan Ruak (2012-2017) no ikus Francisco Guterres “Lu-Olo” (2017-2022).

Povu Timor-Leste iha 19 Marsu 2022 sei partisipa iha eleisaun preidensial hodi hili nia prezidenti republika foun.

Offisialmente sira ne’ebe deklara ona an ba kandidatu PR maka, Francisco Guterres Lu-Olo, Armanda Berta, Martinho Gusmao, Angela Freitas, no Milena Pires.

Entertantu, Tanente Jeneral Lere Anan Timur hafoin rezigna hosi nia kargu Xefi Estadu Maior Jeneral Forsa Armadas das F-FDTL mos sei deklara nia kandidatura ba PR.