Offere Medalla iha SEA Games 2011, MJDAK Hakarak Kempo Partisipa SEA Games 2025

DILI, www.news-viptv.com – Prestasaun diak ne’ebe alteta Kempo hatudu iha SEA Games 2011 hodi hetan medalla hamutuk 6 (Osan mean 1, osan mutin 1, osan metan 4) lori hanoin ba Ministru Juventude, Desportu, Arte no Kultura (MJADK), Nelyo Isaac Sarmento katak SEA Games 2025 Thailandia, hakarak modalidade ne’e partisipa tan hodi kompete.

“Los duni Shorinji Kempo Timor-Leste kleur tebes no asiste wainhira hetan medalla osan mean iha SEA Games Jakarta 2011, kontinua nafatin ezizi Konfederaun Desportu Timor-Leste no Comite Nasional Olimpiku Timor-Leste, hodi tuir fali kompetisaun SEA Games, infelizmente durante periodu hirak nia laran la tuir eventu internasional sira iha rejional no internasional, hanesan SEA Games ne’ebe hala’o iha Malazia, Filipina no mos Kamboja 2023 foin lalais ne’e, iha tinan oin sei realiza tan iha Thailandia, espera Shorinji Kempo Timor-Leste bele tuir fila fali kompetisaun ne’e,” dehan Nelyo Isaac, Sabadu (29/7/2023), iha Kampus Universidade da Paz, Fatumeta, Dili.

Atleta Shorinji Kempo sira ne’ebe hetan medulla iha SEA Games Jakarta 2011 maka hanesan Julianto Pereira ho Dorceyana Borges hetan medulla osan mean liu hosi Mixed Kumi Embu Pair Kyu Kenshi,  Domingos Savio ho Fidelia da Costa Pereira (medalla osan mutin hosi Mixed Kumi Embu Pair Yudansha), Antonio Manuel, Lola Caldas da Silva da Costa, Julianto Pereira, Abrao Pinto, Dorceyana Borges, mekita Lebre (medulla osan metan hosi Mixed Dantai Embu Group Kyu Kenshi), Abrao Pinto ho Antonio Manuel (medalla osan metan hosi Embu Kumi Pair Kyu Kenshi), Eugenio Ribeiro ho Domingos Savio (medalla osan metan hosi Embu Kumi Pair Kyu Yudansha), no Mekita Lebre (medalla osan metan hosi Randori women 54 Kg)

Ministru ne’e mos husu ba federasaun atu kria kompetisaun nasional ba Shorinji Kempo hodi bele hili atleta sira ne’ebe atu compete iha eventu internasional sira.

“Tamba ida ne’e mak hanoin katak iha fatin kompetisaun sira ne’ebe barak tebes ba Shorinji Kempo, espera katak reprezentante husi Timor nian mos bele ba iha ne’eba no espesialmente ba Shorinji Kempo no iha esperansa bo’ot atu realiza kompetisaun Shorinji Kempo iha Timor-Leste,” dehan ministru tuir publikasaun iha pajina official MJDAC.

Iha eventu ne’ebe hola prezensa mos Embaixador Japaun ba Timor-Leste, Tetsuya Kimura, membru governu ne’e esklarese katak nia ho embaixador iha hanoin ida atu fo atensaun espesial ba arte sira ne’ebe mai husi Japaun.

Hanesan Embaixadór rasik, Kimura esplika, nia mos pratika Shorinji Kempo durante estudu iha universidade, kontente tebes hodi pratika hamutuk ho Khensei ne’ebe barak los iha ne’e.

“Komesa husi labarik to’o ferik katuas, hau hare katak laiha ida mak idade bo’ot liu hau, ezemplu Shensei husi Japaun, permite hau esplika oitaun kona-ba Shorinji Kempo ne’ebe mai hó objetivu mak la’os deit haforsa fiziku, haforsa mentalidade, hala’o moris diak, hanesan respeita ema seluk, tuir regulamentu no aprende disiplina, espera katak Khensei sira hotu iha ne’e sei hala’o mos moral ida diak liu tan liu husi pratika Shorinji Kempo,” hateten Kimura.