Nuno Gomes Simu Posse ba Komandante Operasional Nasional APC

DILI, www.news-viptv.com – Superintedente Assistente Polisia, Nuno Romualdo Gomes simu ona posse hodi assumi kargu Komandante Operasional Nasional APC.

Seremonia posse Nuno Gomes nian ne´e halao hamutuk ba estrutura Komandante Operasaun Munisipiu no Regional (RAEOA) no Diresaun Nasional no Munisipiu, Departemenu no Seksaun iha Autoridade Protesain Sivil (APC), Sexta (29/7/2022), iha Edifisiu APC, Kaikoli, Dili.

Iha nia servisu, Komandante Operasional Nasional sei hetan tulun hosi adjuntu nain tolu ne´ebe simu ona posse maka Martinho Fatima ba adjuntu Operasoens Terreste, Serafim da Costa (Operasoens Maritimas) no Mariano Ana Lopes (Operasoens Aereas).

Ba Komandante Operasional Munisipiu sira ne´ebe simu posse maka Inspetor Polisia Helio da C. de Deus ba Aileu, Inspetor Polisia Afonso da Silva (Ainaro), Inspetor Polisia Gaspar Ximenes (Atauro), Inspetor Polisia Aleixo Ximenes (Baucau), Inspetor Polisia Jose Lelo Belo (Bobonaro), Inspetor Xefi Polisia Flavio dos Santos Mendes (Covalima), Inspetor Polisia Jose A. Brata da Silva (Dili), Inspetor Xefi Polisia Antonio da Costa Babo (Ermera), Inspetor Xefi Polisia Tito da Silva (Lautem), Inspetor Xefi Polisia Manuel M. dos Santos (Liquiça), Inspetor Polisia Tome da Costa (Manatuto), Inspetor Polisia Nivio Celestino J. Baptista (Manufahi), Inspetor Xefi Polisia Herman Metan (RAEOA) no Inspetor Polisia Matias da Silva (Viqueque).

Entertantu ba  Segundu Komandante Operasional Munisipiu sira maka Mario Lobo Da Cruz (Aileu), Beny Amaral de Sousa Araujo (Ainaro), Jose Cabral (Baucau), Vitorino Lopes (Bobonaro), Julio Alves Amaral (Covalima), Cosme Camilo da Costa (Dili), Francisco Maia (Ermera), Abilio dos Santos (Lautem), Paulo dos Santos Gonçalves (Liquisa), Antonio Vitorino Fernandes (Manatuto), Joni da Costa Tilman Martins (Manufahi), Fidelio Redentor N. da Cunha (RAEOA) Cerilo Soares Gomes (Viqueque).

Iha Diresaun Nasional sira, ema hirak ne´ebe simu posse maka Claudio da Silva nudar Diretor Nasional Bombeiros, Agustinho Comes Belo (Diretor Nasional Jestaun Risku Desastre), Francisco da Silva (Diretor Nasional Seguransa no Protesaun Patrimoniu Publiku), Antonio Viegas (Diretor Nasional Prevensaun Konflitos Komunitaria), Vergilio dos Santos Soares (Diretor Nasional Jestaun rekursu), Anibal Paulo de Oliveira (Komandante Unidade Espesial Protesaun Sivil), Urbano V. Dos Santos (Komandante Sentru Formasaun Protesaun Sivil), Valdomar Antonio Freitas (Xefi Gabinete Inspesaun no Auditoria Interna), Gustavo Jose Lopes (Xefi Gabinete Planeamento Estratejiku no Assesoria), Anacleto Caetano (Xefi Gabienete Relasaun Externa no Komunikasaun), no Liliana Monica da Conceição (Xefi Gabinete Presidente APC).

Ho posse ne´ebe estrutura sira hetan ona, Sekretariu Estadu Protesaun Sivil, Joaquim Gusmão Martins husu ba ema hirak ne´ebe simu ona kargu atu iha responsabilidade no servisu ho profesional.

“Ami iha konfiansa tomak ba iha ami nia ekipa Protesaun Sivil. Ohin ne’e ami halo serimonia tomada de posse para bele fo hanoin hela ba sira katak hetan kargu sira tenke servisu ho diak, servisu ho disiplina para lori autoriedade ne’e ba oin,” dehan Joaquim Martins ba jornalista sira hafoin seremonia posse.

Entertantu iha nia deskursu, Adjuntu Komandante Jeral PNTL, Komisariu Polisia Mateus Fernandes husu ba offisias PNTL sira ne´ebe asumi ona kargu foun iha APC atu kontinua hatudu nia dedikasaun hodi servi estadu no povo, liliu vitima ba desastre naturais sira, inklui kuidadu konfiansa ne´ebe fo ona.

“Buat ida ohin, ita bo´ot sira simu laos oportunidade, maibe dezafiu. Tamba ne´e hau husu kuidadu klasifikadu ida ne´e, kuidadu konfiansa ida ne´e,” apela Komisariu Polisia Mateus Fernandes.

Iha nia deskursu, Prezidenti APC, Superintedente Polisia Ismael da Costa Babo husu ba hotu ne´ebe simu posse atu hatudu profesionalismu iha nia servisu.

“Kargu ne´ebe fo onra bo´ot iba ita hotu no mai hamutuk ho responsabilidade bo´ot ida ne´ebe ita simu. Tamba misaun ne´e sei hasoru desafiu bo´ot iha futuru tan ne´e mensajem ida ba ita hotu hau hakarak hato´o maka ita hotu tenki hamutuk no sai unidus ida deit hodi esforsa ho dedikasaun esperito diak atu nune´e bele servi profesionalismu ita hotu nian ba estadu ho governu no nasaun no protesaun sivil,” hateten Superintedente Polisia Ismael da Costa Babo.

Alende fo posse ba esturtura superior sira, APC mos fo posse ba estrutura departementu no seksaun sira iha diresaun nasional.

Antes ne´e iha 29 Junu 2022, Presidente Republika Jose Ramos-Horta hola prezensa iha inaugurasaun Autoridade Proteção Civil no sai sasin ba posse Superintedente Polisia Ismail da Costa Babo ba prezidenti dahuluk ba autoridade ne´e.