MJDAK Partisipa Formasaun ATRPP ba Pilar ASCC

DILI, www.news-viptv.com – Atu hasae lina ministerial sira nia konesementu ba assuntu ASEAN nian iha area Juventude no Desportu, kargu diresaun no xefia hosi Ministeriu Juventude, Desportu, Arte no Kultura partisipa formasaun kona ba ASEAN Travelling Resoruce Persons Programma (ATRPP), Tersa (5/3/2024), iha Salaun Konferensia Ministeriu Sosial Solidariedade no Inklusivu, Kaikoli, Dili.

Ba jornalista sira, Diretor Jeral Juventude iha MJDAK, David Tomas De Deus esplika, formasaun ne’e hodi fahe informasaun kona ba estrutura ASEAN nian iha asuntu juventude no Desportu, nivel inkontru sira, ho ASEAN nian parseiru sira.

MJDAK nu’udar ministru ida hosi ministeriu 10 resin ne’ebe tama iha pilar ASEAN Socio-Cultural Community (ASCC).

Formasaun ne’e fornese hosi Sekretaria ASEAN, hanesan parte ida hodi fó kapasitasaun tuir roteiru ASEAN nian, ne’ebé ho komitmentu apoiu formasaun ba Timor-Leste, ne’ebé dadaun hanesan Nasaun Membru Observadór, antes sai Membru Permanente ba Organizasaun Regional ASEAN iha tinan 2025.