banner 1000x250

Ministra Magno Sei Hala’o Vizita Traballu ba EUA

  • Share
banner 728x90

DILI, www.news-viptv.com – Ministra Negósius Estranjeirus no Kooperasaun, Adaljiza Magno sei hala’o vizita traballu ba Estadus Unidus Amérika (EUA) hodi partisipa iha Asembleia Jerál Nasoins Unidas ba dala-77 (UNGA-77, sigla ingléz) iha Nova-Iorke.

Molok partisipa iha UNGA-77, hahú loron 15 to’o 17 setembru tinan ne’e, Ministra Adaljiza Magno no delegasaun sei halo vizita uluk ba sidade Washington DC, Kapitál EUA. Iha oportunidade ne’e, Xefe diplomasia Timoroan sei marka enkontru ho entidade importante-sira hanesan Vise-Sekretaria Estadu EUA; reprezentante ekipa Millennium Challenge Corporation Espesialista Negosiadór ba Asuntus Realokasaun no sei hasoru malu mós ho ekipa Administradór-USAID.

banner 336x280

Iha loron 18 to’o 25 setembru 2022, iha sidade Nova-Iorke, Ministra sei partisipa iha sesaun abertura ba debate jerál UNGA-77. Iha fatin hanesan, sei partisipa iha enkontru altu nivel liga ho asuntu Direitu Úmanus nian.

Ministra Magno mós sei kontinua halo enkontru bilateral ho Vise-Primeiru Ministru Slovenia no mós entidades altu nível sira; alende konvoka mós enkontru ba asuntu Mulitilateral no Bilateral sira seluk durante estadia iha sidade Novaiorke.

Ekipa Diresaun Jerál ba Asuntu Multilateral no Rejionál-MNEK sei akompaña vizita traballu Ministra Magno nian iha EUA.

Hafoin ramata vizita traballu iha Estadus Unidus Amérika, Ministra no ekipa-MNEK sei kontinua halo vizita traballu ba Japaun.

  • Share

Leave a Reply

Your email address will not be published. Required fields are marked *

error: Content is protected !!