Ministra Adaljiza Magno Sai Bainaka Espesial iha Inkontru MNE ASEAN

PHNOM PENH, www.news-viptv.com – Ministra Negósius Estranjeirus no Kooperasaun, Adaljiza Magno, sai bainaka espesiál hosi país anfitriaun Reinu Kambodia, partisipa iha serimónia abertura ba Sorumutu Ministrus Negósius Estranjeiru ASEAN nian ba dala-55, ne’ebé prezide husi Primeiru Ministru Reinu Kambodia Samdech Akka Moha Sena Techo Hun Sen iha Sokha Hotel, Phnom Penh, Kambodia, Kuarta (3/8/2022).

Prezensa Ministra Adaljiza Magno iha Kambodia hodi partisipa mos inkontru Forum Regional ASEAN neébe sei realiza aban, loron 4 fulan agostu, tinan 2022.

Serimónia Refere Ministra Magno hetan akompaña hosi Embaixadór Timor-Leste nian ba Reinu Kambodia, Ermenegildo Kupa no Konsellera Josefina Tilman, no delegasaun sira hosi ASEAN-MNEK, Diretora Jerál ba Asuntu ASEAN, Milena Rangel, Diretora ba Asuntu Polítiku Seguransa, Elisa da Silva, Diretór ba Asuntu Ekonomiku,  Aleixo Gusmão, no delegasaun seluk sira.