Mensajem Natal Xefi Estadu I PR Ramos-Horta Husu Povu Moris ho Domin no Dame ba Malu

DILI, www.news-viptv.com –  Prezidente Repúblika (PR), Jose Ramos iha nia mensajem natal husu ba povu Timor-Leste atu moris ho domin no dame ba malu.

Iha nia mensajen video PR Ramos-Horta hatete, Natal tempu sarani sira nian, no tempu dame ba mundu tomak, Laos sari deit maibe iha relijiaun sira hotu-hotu iha mundu. Natal hanesan respeita no observa, tanba reprezenta populasaun 1 Milaun resin iha mundu, sai hanesan eventu historiku mundial global.

Tanba natal laos deit mensajen ba sira ne’ebe simu fee kristaun, tanba relijiaun hotu-hotu simu no hakuak valores ne’ebe katoliku, kristaun sira kaer konaba dame no fraternidade humana, hadomi malu, tulun sira ne’ebe moras, sira ne’ebe defesiensia, sira ne’ebe servi prizaun, sira ne’ebe mate tanba funu ou sira ne’ebe moras iha hospital.

Tempu natal, tempu familia, maibe tempu para  ita hare ba vizinu sira, semak iha hahan extra, sasan sira seluk hanesan hena, Aimoruk, Aifuan, buat ruma liu karik buka sira ne’ebe laiha buat ida, iha estrada niin hateke deit, hare deit, la haan, la hemu,  ou sira ne’ebe ita hatene ferik katuas ne’ebé hela mesak iha Uma, laiha osan la hetan ajuda ita buka hodi ajuda, ida ne’e mak lolos esperitu natal.

Natal tenke hanesan natal fraternidade, natal ita hatudu ba nai Maromak, ita kompri no halo tuir nai Maromak nia mensajen. Mensajen dame, mensajen domin, mensajen Fraternidade humana, haklean liutan dame iha rai laran.

Xefe Estadu husu ba joven sira atu halo hanesan foin dadauk Amo Papa nia vizita iha dia 9-11 Setembru liu ba, populasaun rihun atus hitu resin partisipa direitamente ou Indereitamente ba Amo Papa nia vizita laiha violensia, laiha rumraga, no Amo Papa sai husi Timor-Leste, nia besik to iha aviaun laran nia hatete ba hau katak, “Tau Matan Didiak ba Povo diak ida ne’e”.

Entretantu ida ne’e mak papel Prezidenti ho Primeiru Ministru nian buka tau matan ba Povo, no tau matan oinsa, hamutuk hametin dame iha rai laran labele iha violensia, labele iha ema ida kanek, no labele iha ema ida mate, ita buka hodi tulun ba malu, ita hatene Governu nia responsabilidade atu kria kondisaun ba povo hodi bele moris diak liu.

Nia haktuir tan, Primeiru Ministru ho komitmentu tomak ba nia Governu iha 2025 sei servisu makas hodi ezekuta orsamentu, hodi hare estrada rulal, Eskola, Saude no Agrikultura. Primeiru Ministru garenta ba Xefe Estadu katak 2025 Ano infrastrutura sei dada dalan ba estrada,  Aldea no Suku sira dook, para nune’e  akontese ita hotu-hotu kontinua hametin dame iha rai laran.