Manan ElPrez, Horta Sei Hamosu Governu Foun

DILI, www.news-viptv.com – Kandidatu forte Prezidenti Republika, Jose Ramos Horta komitmentu nafatin ho nia programa wainhira eleitu ba prezidneti republika hodi dissolve parlamentu nasional no sei hamosu governu foun.

Ramos Horta deklara kestaun ne’e hafoin vota iha Sentru Votasaun iha Sede Suku Metiaut, Postu Administrativu Nain Feto, Munisipiu Dili iha Sabadu (19/3/2022) dadersan.

Tamba ne’e, nudar kandidatu prezidenti republika ne’ebe kandidata hosi Partidu CNRT no hetan apoiu hosi Xanana Gusmao, Horta optimista nia sei eleitu iha eleisaun prezidensial ne’e.

Horta esplika, nia sei lori duni esperansa povu Timor-Leste ne’ebe hakarak iha mudansa ba rai ne’e, liliu ba prezidenti republika ne’ebe tenki hatene nia knar tuir konstituisaun RDTL.