Lucia Ximenes Xavi Vitoria VDL Hosi Maudoko

DILI, news-viptv.com – Golu Lucia Ximenes iha minutu 48, xavi vitoria FC. VDL hosi FC Maudoko hafoin manan 2-0 no lori nia ekipa hetan pontu tolu iha jogu ne’ebe halao iha Estadiu Municipal Dili, Kinta (19/82021).

Golu FC. VDL seluk hatama hosi Natacha Boavida iha minute 42 liu hosi suta penalidade.

“Maski manan, maibe ohin jogador halo failansu barak,” komentariu treinador VDL ba VIP TV depois jogu.

Treinador ne’e isplika, hasoru AF. Baucau iha jogu tuir mai, VDL sei la hare nia adversariu ne’e ho matan sorin tamba sira mos iha preparasaun diak.

“Baucau iha estadiu rasik, tamab ne’e sira iha preprasaun diak, maibe ami kontinua target manan tamba ami mos hakarak sai kampiaun iha epoka ne’e,” nia dehan.  

Salvador de Sousa nudar treinador FC. Maudoko fo hateten, derrota ne’ebe nia ekipa hetan tamba lakon uza oportunidade barak ne’ebe bele rezulta golu.

“Joga ohin kapas iha tensi as, ami derota tamba ami iha oportunidade maibe jogador labele aproveita ho diak,” komentariu Salvador.