DILI, news-viptv.com – FC. UNITAL iha nia jogu daruak ba kontinuasaun Liga Timorense Futebol de Femenino (LTFF) 2021 konsege hadau pontu 3 hafoin halakon FC. São Jose 3-1, Sexta ( 17/9/2021), iha Kampu FFTL, Dili.
Golu vitoria FC. UNITAL ne’e loke hosi Bendita de Jesus iha minutu 23. Golu rua seluk halo hosi Guilerminha da Cunha iha minutu 60 no Marta Martins iha minutu 77’.
Entertantu golu uniku São Jose nian hatama liu hosi golu penalidade Octaviana Soares ne’ebe nia halo iha minutu 33.
Kapitaun FC. UNITAL, Rosa Costa lolos bele aumenta golu 1 ba nia ekipa, maibe suta penalidade ne’ebe nia halo bele blokea hosi baliza Sao Jose ne’ebe guarda hosi Ligia Monis.