Lider Nasional Tenki Unidu, Lere: Xanana maka re-organiza FRETILIN iha ai-laran

SAME, www.news-viptv.com – Lere Anan Timur nudar kandidatu prezidenti republika hateten, lolos lider nasional sira hanoin ida deit no hamutuk hodi tau interese estadu as liu duke insterese partidu nian.

Lere hateten lia hirak ne’e, wainhira halo komisiu politiku iha Same, Munisipiu Manufahi, Sabadu (12/3/2022).

Nudar funu nain, jeneral reformadu ho fitun tolu ne’e mos deklara katak Manufahi nudar munisipiu aswain nian ne’ebe hamosu barak heroi da patria hodi funu kontra kolonialismu sira.

Hosi Same, Lere kontinua halo komisiu iha Aileu hodi kontinua hato’o nia programa principal ba nia kandidatura oinsa sai prezidente ho marka diferensa ba lideransa, dialogu no dezemvolvimentu.

Alende ne’e, hanesan iha Same, Lere repete hikas kona ba istoria ninian involvimentu ho FRETILIN, ne’ebe FRETILIN ne’e re-organiza hosi Xanana hamutuk Mauhunu no Mauhudu iha ailaran, no dadauk ne’e FRETILIN ailaran maka hela nia ho Xanana.

Reportagem: Leonito de Fatima, VIP TV