Lere: Hau Laos FRETILIN Kartaun

DILI: www.news-viptv.com – Antigu Xefi Estadu Maior Jeneral Forsas Armada F-FDTL, Tanente Jeneral (ref) Lere Anan Timur deklara nia laos FRETILIN kartaun ne’ebe persiza hakerek karta hodi lideransa partidu ida rekonese.

Deklarasaun hirak ne’e Lere hato’o wainhira halo vizita ba Suku Manleuana, Postu Administrativu Dom Aleixo, Munisipiu Dili, Sexta (18/2/2022) ohin.

Maski lideransa Partidu FRETILIN tenta trava nia prezensa iha partidu laran, maibe Lere nunka nega lider sira ne’ebe funda FRETILIN. Tamba ne’e nia deklara atu lider balun tenki iha hanoin katak FRETILIN laos ema ida nian.

Iha vizita ninian, Lere ne’ebe mos nudar kandidatu prezidenti republika hetan akompana hosi deputadu Partidu Libertasaun Popular (PLP) Cornelio Gama alias L-7 no nia ekipa susesu hodi esplika nia intensaun tamba sa hakarak kandidata an ba prezidenti republika no programa saida maka nia sei halao wainhira eleitu iha eleisaun prezidensial.

Reporter: Angelina Soares, Cameraman: Justinho Mendonca