Lanu, Sidadaun Xineza Soke Sinais Trânzitu iha Kakaulidun

DILI, www.news-viptv.com – kareta pick up Daihatsu Gran Max ida koor metan ho numeru xapa matrikula A 14.018 aat total, hafoin soke sinais trânsitu iha area Kakaulidun, Bairo Pite,  Kuarta (2/11/2022) tuku 2 madrugada.

Kareta ne´e hetan asidenti trânsitu tamba kondutor ne´ebe identifika nudar sidadaun xineza iha kondisaun lanu. Vitima rasik konsege evakua ho ambulansia ba Ospital Nasional Guido Valadares ho kondisaun diak.

Asidenti trânsitu akontese wainhira vitima lori kareta ho velosidade aas hosi diresaun Bairo Pite atu ba Fatumeta, iha estrada de ramal (jalan cabang) Kakaulidun nia, vitima labele kontrola kareta no soke kedan sinais transito rua no kareta soke tan moru no hetan estragus todan iha parte oin.

Polisia Transito Munisipiu Dili konsege halo identifikasaun iha fatin akontesementu no hamutuk ho komunidade kakaulidun muda kedan kareta ne´ebe aat total ba estrada ninin.